·
「如果而家有個好熟嘅朋友，叫你去泰國工作。保證係正常嘅，你會點答？」
「其實本來我對人好有保留，人際網絡大而朋友圈細。即使對方嘅建議係真。其實都係要經過思考先會做出決定，更何況真正當我係朋友嘅朋友，根本就唔會提出呢條問題。」
百無聊賴的車程
隨著的士司機的提問
我們開始了關於朋友的話題
幸好我們對此事的價值觀相若
泰國緬甸柬埔寨的事件更加不在話下
親兄弟甚至伴侶都會出賣何況朋友
防人之心不可無是真
可惜部分人會把朋友的位置放到很高
幸運的就會平安無事
倒霉的自然跌得很痛
「我舊時掛住吃喝玩樂，啲朋友一叫我就出去。浪費咗好多時間之後要揸的士。有事要人幫嗰陣，個個都無影無蹤。」
「有啲聚會根本就冇用，慢慢就需要斷捨離。某程度上，貓狗嘅可信程度更高。人就係會因利益而出賣，維持朋友圈內寥寥幾人嘅關係就得㗎喇，其他嘅隨緣啦。」
司機曾經經營生意
事業風山水起的時候朋友眾多
阿諛奉承的人不在少數
當時把部分的現金流借出給予朋友
但碰上週轉不靈的時候
欠債的朋友突然反目無情
導致最終不能繼續營運而倒閉
某程度上亦印證了以上所說的道理
更甚的是出賣 背叛 中傷
「我又好好奇你做邊行，睇得咁化嘅？」
「我做命理玄學，每日都睇緊唔同嘅人生，加埋自己嘅經歷有呢個見解都唔奇呀。」
「咁嗰啲人問命，你認為最無聊嘅問題係咩？」
「為友情而起盤問事。」
「點解咁覺得呢？」
「人生去到尾聲都係孤身一人，就算好彩有人陪伴，呢個角色相信都唔會是朋友。」
旅程結束
我們相視而笑
.
.
.
**圖片來自網上
歡迎預約或查詢
